Kosova nuk ka arritur për të shijuar fitoren e shumëkërkuar historike në turneun evropian.

Me një barazim dhe nëntë humbje të njëpasnjëshme, Përfaqësuesja e Kosovës përfundoi ndeshjet e zhvilluara në kuadër të kualifikimeve për Kampionatin Botëror “Rusia 2018”, shkruan portali arbresh.info.

Pavarësisht performancave të mira dhe përmirësimeve në organizim gjatë ndeshjeve të fundit, rezultati pozitiv mungoi nga djelmoshat e trajnerit Albert Bunjaki që tashmë është tërhequr nga detyra e tij.

Për shkak të kësaj, tifozët kanë shpërthyer shpesh me kritika ndaj trajnerit dhe disa lojtarëve të caktuar, nga të cilët kanë pritur performanca më të mira duke u bazuar në statistikat pozitive me skuadrat e tyre evropiane.

Mesfushori Milot Rashica, i cili ka shënuar dy gola në kampionatin holandez Eredivisie brenda shtatë paraqitjeve gjatë këtij sezoni 2017/18, është duke shkëlqyer te Vitesse. Por, 21-vjeçari nuk ka shfaqur formën e tij të mrekullueshme edhe me skuadrën kombëtare të Kosovës, gjë që nuk ka mbetur pa rënë edhe në sy të tifozëve.

Mirëpo, veprimi i anësorit nga Vushtrria gjatë intonimit të himnit në ndeshjen e fundit në kuadër të kualifikimeve kundër Islandës duket se do t’i shqetësojë edhe më shumë “Dardanët”.

Rashica kishte ngatërruar duart gjatë intonimit të Kosovës, gabim në të cilin ishte i fokusuar dukshëm Valon Berisha derisa më vonë Bersant Celina ishte tallur me të përmes rrjeteve sociale./arbresh.info/

https://twitter.com/BersantCelina/status/917704900615790592